1Sa 5 | ZomZIV | STEP | Philistia-te in Pasian singkuangpi a mat khit uh ciangin Ebenezer pan lakhia uh a Ashdod a tun uh hi.

1 Samuel 5

Ashdod le Ekron ah Singkuangpi

1 Philistia-te in Pasian singkuangpi a mat khit uh ciangin Ebenezer pan lakhia uh a Ashdod a tun uh hi. 2 Tua ciangin singkuangpi pua uh a, Dagon’ biakinn tunin Dagon gei-ah a koih uh hi. 3 A zing ciang zingtungin Ashdod mite tho uh a, a et uh ciangin TOPA singkuangpi mai leilakah Dagon a na khup tuk hi. Amaute in Dagon phong uh a, a omna ngei-ah a koih uh hi. 4 Ahi hangin a zingciang zingsang amaute a thawh uh ciangin TOPA singkuangpi mai leilakah Dagon a na khup tuk hi! A lu le a khutte kitankhia-a a pumpi bek sangkil tungah a na om hi. 5 Tua thu hangin Dagon siampite le Ashdod a Dagon biakinn-a lutte in tuni dong sangkil tung a sik kei uh hi. ^a

6 TOPA khut in Ashdod le a kimnai teng nasiatakin gawta amaute vatgawpin meimatum ^{▼▼5.6 Hebrew; Septuagint le Vulgate ah meimatum; tuateh amau gam ah zusa laanga khuapi sung khempeuh ah sihna le siatna a tung hi.} veisaka a hingimsak hi. 7 Ashdod-te in thupiangte a muh uh ciangin, “Israel pasian singkuangpi eite kiangah om peuhmah kei hen, bang hang hiam cih leh ama khut eite le i pasian Dagon tungah gik lua hi,” a ci uh hi. 8 Tua ciangin amaute in Philistia-te upate khempeuh sam uh a, “Israel’ pasian’ singkuangpi bang cih ding i hi hiam?” ci-in amaute a dong uh hi. ^c

Amaute in, “Israel’ pasian singkuangpi Gath ah khinsak un” a ci uh hi. Tua ciangin Israel pasian singkuangpi a khin uh hi.

9 Ahi hangin a khin khit uh ciangin tua khuapi TOPA khut in gawta a linglawng gawp hi. Amah in khuapi mite gimsak gawpin a moi a hamin meimatum naiphual ^{▼▼5.9 Ahikeh meimatum naiphual tawh (Septuagint en in)} a veisak hi. 10 Tua ciangin amaute in Pasian singkuangpi Ekron ah a puak uh hi. ^e

Ekron ah Pasian singkuangpi a lut phetin Ekron mite in, “Amaute in eite le i mite a that dingin Israel pasian’ singkuangpi hong puak kawikawi uh hi,” ci-in a kiko uh hi. 11 Tua ciangin amaute in Philistia-te upate khempeuh samkhawm uh a, “Israel pasian singkuangpi khakhia mang un; a omna munah puak kik un; na tua cih kei uhleh tua ^{▼▼5.11 Ahikeh amah} in kote le ka mite uh hong that ding hi,” a ci uh hi. Khuapi sung teng sihna hangin linglawnna tawh kidima; Pasian khut in a nak gawt mahmah hi. 12 A si lote meimatum veisaka, khuapi sunga linglawnna aw vantungah a tungto hi.